marathi aarti

                                                वितराग आरती

वितराग जिन ! दीपार्चन हे, मंगल तव चरणीं , अर्पण तव चरणीं ।
शांतीसुधेच्या मधुरा स्वादा , देते दिनरजनी ।। शांति ।। धृ. ।।

अगण्यगुणगण प्रभा जीवांच्या , नाशवी मोहात , ज्ञानामृत देते ।
सकल जीवातें शिवपुर - मार्गा , प्रेमे दर्शविते ।। सकल ।।१।।

शुभ भावांची ज्योत तेवूनी , भक्तिरूपी घृत ते, भक्तिरूपी घृत ते।
ओतुनी प्रेमें करितां आरती स्वगुणा  प्रगटवितें ।। ओतुनी  ।।२।।

marathi chovis tirthankar lanchhane

                                                    चोवीस तीर्थांकर लांछने 

वर्तमान चोवीस जिनांचे लांछन चोवीस ।

भव्य जनांना नित्य स्मराया केले कवनास ।।१।।

 वृषभ जिनाला बैल शोभतो, हत्ती अजितास ।

संभवनाथा घोडा, वानर अभिनंदन प्रभुस ।।२।।

सुमति जीनेंद्रा चकवा पक्षी , पद्म पद्मप्रभुला ।

देव सुपार्श्व स्वस्तिक साजे , चंद्र चंद्रप्रभूला ।।३।।

 

पुष्पदंत पदिं मगर विराजे , शीतल श्रीवृक्ष ।

श्रेयांसाते गेंडा चिन्ह ते , वासुपूज्य महिष ।।४।।

विमल जिनाचे सुकर लांछन , अनंत सायाळ ।

वज्र चिन्ह ते धर्मजिनाचे , शांती हरीण बाळ ।।५।।

कुंथूनाथा बकरा शोभे , अरहनाथ मीन । 

मल्लि कुम्भ , मुनिसुव्रत कासव , नमिस नीलकमल ।।६।।

नेमीजीनातें शंख शोभते , पार्श्वा सर्पफणा ।

नमस्कार त्या वीर प्रभूच्या सिंहांकित चरणा ।।७।।

 

marathi laghu samayik path

लघु सामायिक पाठ ( मराठी )

नमोस्तु सिद्धास ऋषीगणांस । त्रिकाल जे वंद्य तिन्ही जगास ।।

 जेणे मनाला स्थिरता रहाते । करीन सामायिक शांतचित्ते ।।१।।

संपूर्ण जीवांवर साम्यभाव । धरीन वा संयम शांतभाव ।

मी आर्त रौद्र प्रकृती त्यजीन । त्रिकाल सामायिक आचरीन ।।२।।

सर्वांवरी मी  समता धरीन । कुणावरी  वैर न मी करीन ।

आशा महपाश झनीं  त्यजीन । होईन मी नित्य समाधिलीन ।।३।।

जे जीव रागादीविकारभावें । मी हाय रे ! दुखविलें असावें ।।
ते सर्व माझ्यावरती  क्षमोत । क्षमीन मी त्यांसहि  एकचित्त ।।४।।

मनोवच:कायकृतानुमोदें । रत्नत्रयीं  दोष घडे प्रमादे ।।
ते दोष मी आज मुखे वदून ।निंदा नि गर्हा करुनि त्यजीन ।।५।।

तिर्यंच वा मानव, देव यांची । पीडा जहाली तरि  ही  मनाची ।।
एकाग्रता निश्चल मी धरीन । कषाय, आहार , तनू  त्यजीन ।।६।।

अनेक रागादि  विकार भाव । प्रहर्ष, औत्सुक्य , भय  प्रभाव ।।
दीनत्व  मात्सर्य , विकार  किंवा । सोडून देतों अरती रती वा ।।७।।

मृत्यू  जरा , जन्म सदा जगात । यांची कधी भीति नसो मनातं ।।
मी लाभ हानी सुख दुःख यांस । समान लेखीन विषामृतास ।।८।।

दृगण्यान -चारित्र्य - तप:स्वरूप । आत्मा तथा संवर योगरूप ।।
आनंदरूपात्मक निर्विकल्प । आत्मा असे हा परमात्मरूप  ।।९।।

आत्मा सदा शाश्वत एकरूप । याहून तें शेष अनेकरूप ।।
वियोग संयोग विभावरूप । जीवास नाना करिती विकल्प ।।१०।।

संयोगसंबंध असे जीवाला । म्हणून दुःखे असती तयाला ।।
संयोगसंबंध म्हणून आतां । सोडून देतो समतेकरितां  ।।११।।

एवंच सामायिक हें अखंड । चालू असो यांत असो ना खंड ।।
मुक्ती-वधूला वशचूर्ण होवो । हे नित्य सामायिक शांति देवो ।।१२।।

                               
                               इष्ट प्रार्थना

शास्त्राभ्यास जिनेंद्र-संस्तव सदा आर्यांसवें  संगती ।
 साधूंचे गुण-गान दोषकथनीं अत्यंत मुकस्थिती ।

सर्वांशी हित मिष्ट भाषण असो आत्म्यामधे  भावना ।
जन्मोजन्मी  असे निरंतर घडो जों मुक्तीची साधना ।।१३।।

तव पदयुग मम मानसीं मम मानस तव पदद्वयीं लीन ।
राहो जिनेंद्र तोंवरि होईल संप्राप्त मुक्तिचे सदन ।।१४।।

अक्षरपदार्थांहीं  मात्राहीं  हीन हें असे कवन ।
भगवती देवी मजला क्षमा करो तेंवि  दु:खपरिहरण ।।१५।।

jain marathi prabhatgeet

"मी मंत्र जपणार "
मी मंत्र जपणार, महावीर होणार ॥
सिंहाचा मम आत्मा छावा
विसरुनि गेला रुपा भावा
कर्माच्या  कळपात रहावा
मी सिंह बनणार , महावीर होणार ॥ मी मंत्र ॥1।।
जननमरण-चक्करात पोहुनी
दमला आत्मा त्रास सोसुनी
विश्रांतिस्तव बसला टपुनी
मी ठाव घेणार ,महावीर होणार ॥मी मंत्र ॥ 2।।
जिनेश्वरांनी जिना लाविला
मोक्षाप्रत तो जाऊनि भिडला
रत्नाच्या पायऱ्या  तयाला
मी चढुन जाणार ,महावीर होणार ॥मी मंत्र ॥3।।
अखंड शांती जिथे नांदते
पीडा- कसली मुळि न बाधते
तुच्छ- स्वर्गिचे सुख ज्यापुढते ,
मी साध्य तया करणार,महाविर होणार ॥मी मंत्र जपणार,महाविर होणार ॥4।।

कबुतराला गरुडाचे पंख लावता येतीलही…. पण गगनभरारीचे वेड रक्तातच असाव लागत…. कारण आकाशाची ओढ दत्तक घेता येत नाही.     - v.p.kale